Larĝa Spaco Por Multpartia Kunlaboro Inter Ĉinio, Eŭropo kaj Afriko(3)

La triflanka kunlaboro inter Ĉinio, Eŭropo kaj Afriko estas la integriĝo kaj sublimiĝo de la tradiciaj "nord-suda kunlaboro" kaj "sud-suda kunlaboro", kaj afrikaj landoj povas profiti el ĝi.

Edward Kuseva, docento pri ekonomio en la Universitato de San-Paŭlo en Kenjo, diris, ke la merkata kunlaboro inter Ĉinio kaj Eŭropo kaj Afriko estas konkreta manifestiĝo de la praktikado de plurlateralismo kaj havas grandan signifon por la afrika kontinento. Oni atendas, ke dum la ekonomiaj kaj komercaj interŝanĝoj inter Germanio kaj Francio kaj aliaj eŭropaj landoj kaj Ĉinio pliproksimiĝos, plurmerkata kunlaboro atendas pliajn rezultojn.

Artikolo publikigita en la retejo de la Internacia Mona Fonduso atentigis, ke la epidemio kaŭzis stagnon de ekonomiaj aktivadoj en Afriko kaj ankaŭ povas endanĝerigi la atingojn de la ekonomia disvolviĝo de Afriko en la pasintaj 20 jaroj.

Kenja fakulo pri internaciaj aferoj Cavins Adhill diris, ke Ĉinio liveris al Afriko grandan kvanton da kontraŭepidemiaj materialoj kaj vakcinoj, kaj ludis pruvan rolon por helpi Afrikon respondi al la epidemio. Kaj Ĉinio kaj Eŭropa Unio estas gravaj produktejoj por la nova krona vakcino, kaj iliaj kunigitaj klopodoj povas redukti la ruinigan efikon de la epidemio sur la afrika kontinento, helpi Afrikon venki la epidemion kaj atingi ekonomian resaniĝon. La Video-Pintkunveno de Gvidantoj de Ĉinio-Francio-Germanio atingis gravajn rezultojn, kiuj helpos antaŭenigi la starigon de pli unuiĝinta kaj inkluziva "post-epidemia mondo".